ნაპოლი კულიბალიში 70 მილიონს ითხოვს
ერლინგ ჰოლანდისთვის ბრძოლასთან ერთად, "ბარსელონა" ზაფხულში დაცვის ხაზის გაძლიერებასაც შეეცდება.
Mundo Deportivo-ს ინფორმაციით, ჩავი ერნანდესს კალიდუ კულიბალის ვარიანტი მოსწონს, მაგრამ, "ნაპოლი" მის სანაცვლოდ, სულ მცირე, 70 მილიონ ევროს ითხოვს, მიუხედავად იმისა, რომ ფეხბურთელს იტალიურ კლუბთან კონტრაქტი 2023 წელს ეწურება.
ამასთან, "ბარსამ" სენეგალელს რამდენიმე შეთავაზებით მიმართა, თუმცა, მისი დაინტერესება ვერ მოახერხა. წყაროს ცნობით, ჩავის სურვილის მიუხედავად, "ბლაუგრანას" მესვეურები კულიბალისთვის ბრძოლაში არ ჩაებმებიან და არანაირ ზედმეტ თანხას არ გადაიხდიან.
როგორც კატალონიური გამოცემა იუწყება, "ლურჯ-ბროწეულისფერთა" რადარზე ანდრეას კრისტენსენი, სესარ ასპილიკუეტა და ჟიულ კუნდეც (რომელიც ასევე ძვირი ღირს) არიან. ამ მომენტისთვის, "ბარსელონა" ფონს გასვლას თავისუფალი აგენტების დამატებით აპირებს.
ამ სიახლეზე კომენტარები გათიშულია.
კომენტარები [ 10 ]