ერიკ აბიდალი: 3 წლის წინ ანტონის შეძენაზე უარი ვთქვით
"ბარსელონას" ყოფილი სპორტული დირექტორი და ამჟამად Cantal +-ის კომენტატორი, ერიკ აბიდალი აღიარებს, რომ, "აიაქსის" შემტევის, ანტონის შეძენაზე უარი თქვა:
3 წლის წინ ანტონის ვაკვირდებოდით. მართალია, რომ "ბარსას" სატრანსფერო სამიზნეების სია ძალიან დიდია, მაგრამ იმ მომენტში ბრაზილიელი 3 წლით ახალგაზრდა და არასტაბილური იყო.
ვფიქრობ, მაშინ ანტონისთვის "აიაქსის" არჩევა კარგი გადაწყვეტილება გახლდათ, რადგან ამსტერდამელები ასეთ მოთამაშეებს პროგრესის საშუალებას აძლევენ. "ბარსელონა" "აიაქსი" არ არის.
რა თქმა უნდა, მწვრთნელების მოთხოვნები დღითი დღე იცვლება. ასე რომ, იმ მომენტში გადავწყვიტეთ, ბრაზილიელი არ გაგვეფორმებინა.
ანტონი "ღვთის შვილებს" 2020 წლის ზაფხულში, "სან პაულოდან" შეუერთდა. წელს ბრაზილიელი შესანიშნავ სეზონს ატარებს, რის გამოც არაერთი გრანდის ყურადღება მიიქცია.
ამ სიახლეზე კომენტარები გათიშულია.
კომენტარები [ 8 ]