რამონ პლანესი: პედრის ტრანსფერის ფასი 20 მილიონს არ გადააჭარბებს
"ბარსელონას" ყოფილი სპორტული დირექტორი, რამონ პლანესი პედრიზე საუბრისას აცხადებს, რომ კატალონიურ კლუბს "ლას პალმასიდან" მისი შეძენა 20 მილიონ ევროზე მეტი არ დაუჯდება.
რიცხვების გასაჯაროება არ მიყვარს, მაგრამ, რაც ვიცი, არ ვფიქრობ, რომ მისი ტრანსფერი 20 მილიონ ევროზე მეტი დაჯდება, ყველა საბონუსო პირობა ვერ შესრულდება.
როდესაც პედრი გადმოვიდა, ვფიქრობდით, რომ კლუბს იჯარით დატოვებდა, რადგან ბევრი შემოთავაზება არსებობდა, მაგრამ კუმანს მისი ტალანტის შესამჩნევად მხოლოდ ორი ვარჯიში დასჭირდა. მან გვითხრა, რომ პედრი პირველ გუნდთან უნდა დარჩენილიყო.
ლისაბონში წაგებული თამაშიდან (2-8) ორ დღეში, "ბაიერნი" პედრის თაობაზე დაგვიკავშირდა. ჩვენ მათ განვუცხადეთ, რომ შანსი არ არსებობდა.
- თქვა პლანესმა Marca-სთან ინტერვიუში.
პირველივე სეზონში პედრიმ ესპანეთის ნაკრებისა და "ბარსელონას" შემადგენლობაში თავის დამკვიდრება შეძლო. იგი 2021 წლის საუკეთესო ახალგაზრდა ფეხბურთელად რამდენიმე ორგანიზაციამ დაასახელა.
ამ სიახლეზე კომენტარები გათიშულია.
კომენტარები [ 6 ]