ოფიციალურად: ბარსას მე-4 გოლი ობამეიანგს ჩაეთავალა | გაბონელის ჰეთ თრიქი
ახლახან ოფიციალურად ცნობილი გახდა, რომ "ვალენსიასთან" გამართულ მატჩში "ღამურების" კარში გატანილი გოლი არა პედრის, არამედ პიერ-ემერიკ ობამეიანგის ანგარიშზეა.
თამაშის 63-ე წუთზე პედრიმ საჯარიმოს გარედან "ვალენსიას" კარის მიმართულებით დაარტყა. ობამეიანგმა ბურთს მიმართულება მცირედით, მაგრამ მაინც შეუცვალა.
თავდაპირველად გოლი პედრის ჩაეთავალა, თუმცა, ახლანდელი მდგომარეობით ბურთი ესპანელი ნახევარმცველის ანგარიშზე არაა. "ბლაუგრანას" Twitter-ის ოფიციალური გვერდის ცნობით, მსაჯმა გოლი ობაემიანგის აქტივში ჩაწერა, რაც ნიშნავს, რომ გაბონელმა ჰეთ თრიქი შეასრულა.
დღევანდელ მატჩამდე ბოლოს, როდესაც ობამეიანგი "ვალენსიას" ესტუმრა, მან ასევე 3 გოლი გაიტანა. ეს 2019 წელს მოხდა, როცა პიერი "არსენალში" ირიცხებოდა.
გამოდის, რომ ობამეიანგმა "მესტალიაზე" ბოლო ორივე შემთხვევაში ჰეთ თრიქი შეასრულა.
ამ სიახლეზე კომენტარები გათიშულია.
კომენტარები [ 14 ]