დეპაის შეძენით 3 კლუბი ინტერესდება
კატალონიური Sport-ის ჟურნალისტის, ლუის მიგელსანსის ინფორმაციით, დიდია იმის შანსი, რომ მემფის დეპაის "ბარსელონური" კარიერა მომდევნო ზაფხულში დასრულდეს.
მემფისი ამჟამად ტრავმირებულია, მის არყოფნაში კი შემადგენლობაში სხვა შემტევების როლი გაიზარდა. ჰოლანდიელი თავდამსხმელი რონალდ კუმანის წასვლის შემდეგ კლუბში თავს კომფორტულად ვერ გრძნობს და ჩავის სქემასთან შეგუება უჭირს.
წყაროს ცნობით, კატალონიიდან წასვლა დეპაის სურვილი არაა და ის "ბლაუგრანას" მაისურით თავის გამოჩენას ისევ ეცდება, თუმცა, თუ მისი როლი ისევ არ გაიზრდება, ტრანსფერზე თანახმა იქნება.
დღეისთვის მემფისს სამ იტალიურ გრანდს უკავშირებენ - მისი შეძენის სურვილი "იუვენტუსმა", "მილანმა" და "ინტერმა" გამოთქვეს.
მიმდინარე სეზონში 28 წლის ფეხბურთელმა "ბარსასთან" ერთად 23 შეხვედრა ჩაატარა და გუნდს 8 გოლით დაეხმარა.
ამ სიახლეზე კომენტარები გათიშულია.
კომენტარები [ 5 ]