როგორი იყო ობამეიანგის ბოლო ვიზიტი მესტალიაზე
ხვალ, ლა ლიგის 25-ე ტურში, თბილისის დროით 19:15 საათზე, "ბარსელონა" სტუმრად "ვალენსიას" დაუპირისპირდება.
აღსანიშნავია, რომ, აწ უკვე "ბარსელონას" ფეხბურთელს, პიერ-ემერიკ ობამეიანგს "მესტალიაზე" უთამაშია - 2018-19 წლების ევროპა ლიგის მეორე ნახევარფინალურ მატჩში, გაბონელმა "არსენალის" მაისურით "ღამურებს" ჰეთ-თრიქი შეუსრულა.
ასევე საინტერესოა, რომ ამავე შეხვედრაში მონაწილეობა მიიღო "ბარსას" კიდევ ერთმა მოთამაშემ, ფერან ტორესმა, რომელიც მაშინ "ვალენსიაში" ასპარეზობდა. ტორესისა და ობამეიანგის დაპირისპირება მოგვიანებით პრემიერ ლიგაშიც შედგა. მათ გარდა, "არსენალი"-"ვალენსიას" მატჩში ნეტუც თამაშობდა, რომელიც ახლა კატალონიელთა მეორე მეკარეა.
საინტერესოა, რომ ობამ ესპანურ გუნდთან გამართულ პირველ მატჩში გოლი და ასისტი მიითვალა, "არსენალმა" კი 3-1 მოიგო. ხვალ მას "ვალენსიასთან" სტატისტიკის გაუმჯობესების შანსი ექნება.
ამ სიახლეზე კომენტარები გათიშულია.
კომენტარები [ 5 ]