ინტერვიუ ფრენკი დე იონგთან

ჩემი დებიუტის შემდეგ Marca-მ დაწერა, რომ ბუსკეტსს ჩემს გადმოსვლასთან პრობლემა ჰქონდა? სერხიო ამ საკითხს ასე ნამდვილად არ უყურებდა. ის ასე გამოიყურებოდა: "შენი მოსვლა შესანიშნავია და თუ რამე დაგჭირდება, ყოველთვის აქ ვარ დასახმარებლად".

როდესაც ბარსელონაში ჩამოვედი, ბუსკეტსმა რესტორანი მირჩია და ჩემთვის და ჩემი მეგობარი გოგონასთვის, მიკისთვის მაგიდა დაჯავშნა. მან ასევე მფლობელს ჩვენი სტუმრობის შესახებ შეატყობინა, რათა ყველაფერი კარგად მოწყობილი ყოფილიყო.

არასდროს მქონია ისეთი განცდა, რომ ახალწვეული ვიყავი. ყველას შენი დახმარება უნდა.

საუკეთესოები თამაშობენ და ამაზე გავლენის მოხდენა მხოლოდ შენ შეგიძლია. თუ არ თამაშობ, ეს სხვისი ბრალი არაა, მაგრამ ვხვდები, რომ ყველა ასე არ ფიქრობს.

ესპანურის სწავლის დაწყება "ბარსელონაში" გადმოსვლამდე ცოტა ხნით ადრე? ესპანური სრულყოფილად არ ვიცოდი, მაგრამ საკუთარი თავის გამოხატვა და სხვების მოსმენა შემეძლო. მიუხედავად იმ ფაქტისა, რომ ცხოვრებაში საზღვარგარეთ პირველად ვიცხოვრებდი, გარდამტეხი სხვაობა არც ისე დიდი იყო.

"ბარსელონაში" ყოფნით ბედნიერი ვარ. აქ ყოფნა ბავშვობიდანვე მინდოდა, ასე რომ, ეს ოცნების ახდენაა. თუმცა, რა თქმა უნდა, უფრო მეტი ტიტულის მოგებას ვისურვებდი, ვიდრე პირველ 2 წელიწადში. ასე ვთქვათ, ამ თვალსაზირისით უფრო მეტს ველოდი, მაგრამ აქ ძალიან ბედნიერი ვარ და იმედია, კიდევ მრავალი წელი ასე იქნება.

ორივე ნახევარმცველები ვართ, დაახლოებით ერთსა და იმავე პოზიციის, ამიტომ ამ მხრივ მას შეუძლია, ბევრი რამ მასწავლოს. ზოგჯერ ერთმანეთს მის ოფისში ვხვდებით. ჩავი ჩემი თამაშის ვიდეოებს მაჩვენებს და მიხსნის მის ხედვებს, თუ რა შეიძლება გავაუმჯობესო.

ვუყურებთ ვიდეოებს, თუ როგორ შეარჩიო პოზიცია და რა შეიძლება გააკეთო ყველაზე უკეთ გარკვეულ სიტუაციებში.

მესის წასვლა? თავდაპირველად მეგონა, რომ ეს სიმართლეს არ შეესაბამებოდა. მამასთან და ძმასთან ერთად აეროპორტში ვიყავი, როცა შეტყობინება მივიღე: "მესი "ბარსელონას" ტოვებს". ცოტა მოგვიანებით შევნიშნე, რომ ეს ნამდვილა ხდებოდა.

პირველ რიგში, ამას უბრალოდ ვერ იჯერებ, იმის მიუხედავადაც კი, რომ ჭორები მთელი ზაფხულის განმავლობაში ვრცელდებოდა. ეს სერიოზულად არასდროს მიმიღია, ასე რომ, როდესაც ეს მოხდა, შოკი იყო.

მესი კლუბის სახე იყო და მისი წასვლა, იმ ყველაფრის შემდეგ, რაც მან კლუბისთვის გააკეთა, ყველასთვის მძიმე დარტყმა იყო. ლეო ისევ გვაკლია. კლუბში მისი მსგავსი რომ აღარავინაა, რაღაცები უცებ ძალიან განსხვავებული გახდა.

თუ გუნდში ასეთი ფეხბურთელი გყავს, უბრალოდ ეცადე, მოედანზე ის რაც შეიძლება ხშირად მოძებნო, რადგან თამაში მასზეა მორგებული, რაც ლოგიკურია. როდესაც ის წავა, როგორც ფეხბურთელი, ისე გუნდი, ამას უნდა შეეგუოს.

ვფიქრობ, მესი ფეხბურთის თითქმის ყველა ასპექტში საუკეთესოა. ვარჯიშებზე რაც არ უნდა გაგვეკეთებინა, ის საუკეთესო იყო. მისი ქება გადაჭარბებული არასდროს არაა. ჩემთვის ის ყველა დროის საუკეთესოა.