ESPN არაუხოზე, პედრიზე, ნიკოსა და გავიზე
ESPN-ის ცნობით, "ხეტაფეში" რამონ პლანესის მოღვაწეობის დროს, რონალდ არაუხო მადრიდულ კლუბში გადასვლასთან ახლოს იყო.
წყაროს ინფორმაციით, მას არაუხოს ყოფილი კლუბის, "ბოსტონ რივერის" იმჟამინდელი მწვრთნელი, სერხიო კაბრერა დაუკავშირდა.
ამასთან, ურუგვაელის გადაბირებით "რეალი" და "სევილიაც" ინტერესდებოდნენ, მაგრამ შემდეგ პლანესი "ბარსელონაში" გადმოვიდა და 2019 წელს რონალდი კატალონიურ გრანდში გადმოიყვანა.
ამერიკული არხის მტკიცებით, სანამ არაუხო ცენტრალური მცველი გახდებოდა, ის კარიერას თავდამსხმელის პოზიციაზე იწყებდა. მასთან დაახლოებული წყარობი იუწყებიან, რომ არაუხოს ფიზიკური სიძლიერე და ფიტნესი მოზარდებისას გამართულმა სპრინტებმა განაპირობა.
"ბარსაში" მიაჩნიათ, რომ 22 წლის მოთამაშეს ბურთთან ერთად მოქმედების გაუმჯობესება შეუძლია, მაგრამ ასევე ამბობენ, რომ, შესაძლოა, ის გუნდში საუკეთესო უკანახაზელია. ასევე, კლუბში ხუმრობით დასძენენ, რომ, როდესაც გუნდს თამაშის გადარჩენა უწევს, შესაძლოა, ის საუკეთესო თავდამსხმელიც კი იყოს.
ESPN თავისი სტატიის ნაწილს პედრისაც უძღვნის - წყაროს თანახმად, პლანესმა ზარი "ლას პალასის" სპორტული დირექტორისგან მიიღო, რომელმაც რამონს შეატყობინა, რომ მათ ნამდვილი ტალანტი ჰყავდათ.
რამდენიმეთვიანი დაკვირვების შემდეგ, პლანესმა საქმე მალევე მოაგვარა და, დაახლოებით, 20 მილიონად გონსალესი გადმოიბირა.
ამერიკული არხი ნიკოს მამისა და ლა კორუნიის "დეპორტივოს" ლეგენდარული ფეხბურთელის, ფრან გონსალესის კომენტარსაც ავრცელებს:
ნიკოს ყველანაირი პირობა ჰქონდა - ფეხბურთელი მამა, პატარა მოედანი სახლში და ა.შ. ფრანი მას ტექნიკურ განვითარებაში დაეხმარა, მაგრამ ის ამტკიცებს, რომ ყველაფერი გულმოდგინედ მუშაობის დამსახურებაა.
დაახლოებით 10 წლის ასაკში, ის ადგილობრივი "მონტანეროსის" რიგებში გალისიის ტურნირზე თამაშობდა, სადაც "ბარსელონას" 2 გოლი გაუტანა და "რეალი" დააინტერესა.
ფრანი დასძენს:
1 წლის შემდეგ, ნიკო ოჯახთან ერთად კატალონიაში გადმოვიდა და მადრიდელთა წინადადება უარყო.
ფრანი ამბობს:
ბავშვისთვის "ბლაუგრანაში" გადასვლა ადვილი გადაწყვეტილებაა. კატალონია ნიკომ და დედამისმა აირჩიეს.
15 წლის ასაკში მას რთული პერიოდი ჰქონდა, რადგან 25 სანტიმეტრით გაიზარდა და საკმარისი ენერგია არ ჰქონდა.
ნიკოს უცხოური კლუბებიდან კარგი შემოთავაზებები ჰქონდა, მაგრამ მისი ოცნება "ბარსელონაში" თამაში იყო, რაც ამ სეზონში აისრულა.
ნიკომ აკადემიაში 8 წელი გაატარა, რის შემდეგაც პირველ გუნდში დააწინაურეს. მას უკვე 27 მატჩი და 2 გოლი დაუგროვდა.
მის ტალანტს ყველა ხედავდა. ერთ-ერთი დაინტერესებული კლუბი კი "მანჩესტერ სიტი" გახლდათ.
ნიკოსგან განსხვავებით, გავი ძალიან მცირე ასაკიდან ესპანეთში ყველას აოცებდა.
"ლა ლიარაში" მისი პირველი მწვრთნელი, მანუელ ბასკო ამბობს:
ჯერ კიდევ 6 წლის ასაკში, ის არანორმალური იყო. ის მანერა, რომელითაც გავი ბურთს ატარებდა, ნორმალური ნამდვილად არ იყო. რაღაცების სწავლა შესაძლებელია, მაგრამ ეს თანდაყოლილი ნიჭი გალხდათ.
ჩემს ქალიშვილს, ანას ვუთხარი: "მისი სარეგისტრაციო ბარათი უნდა ავიღო, რადგან მალე პირველ დივიზიონში ითამაშებს. ანამ მიპასუხა: "მამა, ის ხომ მხოლოდ 6 წლისაა". მე კი ვთქვი: "მე მაინც მზად ვიქნები და ვნახოთ, რა მოხდება".
მას შემდეგ, რაც გავი "ბეტისში" გადავიდა და 10-წლამდელთა გუნდის რიგებში 96 გოლი გაიტანა, ის ივან დე ლა პანიამ ("ბარსას" ყოფილი ნახევარმცველი და ამჟამად გავის აგენტი) შენიშნა.
ამ დროს გავით "რეალი", "ატლეტიკო" და "ვილიარეალი" უკვე ინტერესდებოდნენ, მაგრამ პენიამ ის "ლა მასიაში" გადასვლაში დაარწმუნა.
თანაც, მაშინ "ბარსელონაში" მესი, ნეიმარი, ჩავი და ინიესტა ასპარეზობდნენ. ლეო გავისთვის ნამდვილი კუმირი იყო.
ბასკო დასძენს:
ამ სიახლეზე კომენტარები გათიშულია.
კომენტარები [ 11 ]