ჩავის პრესკონფერენცია ნაპოლისთან მატჩის წინ
ხვალ, თბილისის დროით 21:45 საათზე ევროპა ლიგის მეთექვსმეტედ ფინალში "ბარსელონა" "ნაპოლის" უმასპინძლებს.
აღნიშნული მატჩის წინ "ბარსას" მთავარმა მწვრთნელმა, ჩავი ერნანდესმა პრესკონფერენცია გამართა:
ჩვენ გულშემატკივრები გვჭირდება და დიდ ერთიანობას ველით, როგორიც "ატლეტიკოს" წინააღმდეგ ვიხილეთ.
წილისყრაში არ გაგვიმართლა, რადგან "ნაპოლი" დიდებული გუნდია, მაგრამ ევროპა ლიგისთვის უნდა ვიბრძოლოთ.
100 დღე "ბარსელონას" მწვრთნელად? თითქოს, ასი წელი გავიდა, რადგან ბევრი მოულოდნელი რამ მოხდა: კოვიდ-19, სატრანსფერო ფანჯარა, ტრავმები... უკვე იცით, რომ მე "ბარსას" დიდი გულშემატკივარი ვარ და ვცდილობ, გუნდი კუთვნილ ადგილას დავაბრუნო. ამ 100 დღეში განვვითარდით, უფრო კონკურენტუნარიანები ვართ. ჩემპიონატში წინ მივიწევთ. ლა ლიგა სწორედ ის ტურნირია, რომელიც გეუბნება, სწორ გზაზე ხარ თუ არა და შედეგები ამას მოწმობს.
კლუბს კარგი დრო არ უდგას, როგორც სპორტული, ისე ფინანსური თვალსაზრისით, მაგრამ ვფიქრობ, ეს ასევე პიროვნულ ზრდაში გეხმარება.
ამ სიახლეზე კომენტარები გათიშულია.
კომენტარები [ 28 ]