ესპანიოლი-ბარსელონა | სავარაუდო შემადგენლობები

კატალონიური გამოცემები Sport და Mundo Deportivo "ესპანიოლთან" დღეს გასამართი მატჩისათვის "ბარსელონას" სავარაუდო შემადგენლობას ასახელებენ (ორივე მათგანი იდენტურია):

4-3-3 | ტერ შტეგენი; დესტი, არაუხო, პიკე, ალბა; ფ. დე იონგი, ბუსკეტსი, პედრი; ტრაორე, ტორესი, გავი.

👥| Sport and Mundo Deportivo's predicted starting XIs for tonight's La Liga match against Espanyol.#EspanyolBarça pic.twitter.com/XDIKPwPkwo

— Barça Buzz (@Barca_Buzz) February 13, 2022

MD-ს ინფორმაციით, მოსალოდნელია, რომ ჩავი კვლავ "ატლეტიკოსთან" გამარჯვებულ შემადგენლობას აირჩევს, თუ არ ჩავთვლით დანი ალვესის იძულებით ცვლილებას. სავარაუდოდ, ბრაზილიელს სერჟინიო დესტი ან ერიკ გარსია ჩაანაცვლებს; პიერ-ემერიკ ობამეიანგი ისევ სათადარიგოთა სკამიდან დაიწყებს და თავის შანსს დაელოდება.

აღსანიშნავია, რომ "RCDE სთედიუმის" არსებობის ისტორიაში (ის 2009 წელს გაიხსნა), "ესპანიოლს" საშინაო მოედანზე "ბარსასთვის" არასდროს მოუგია. კატალონიურ დერბიში სტუმრად ჩატარებულ მატჩებში "ლურჯ-ბროწეულისფერთა" ანგარიშზე 6 მოგება და 5 ფრეა. ხსენებულ სტადიონზე გამართული ბოლო შეხვედრა, რომელიც ამავდროულად ერნესტო ვალვერდესთვის "ბარსელონას" თავაკცის რანგში ლა ლიგის ეგიდით ჩატარებული უკანასკნელი მატჩი იყო, 2-2 დასრულდა. 

დღეს კატალონიურ გრანდს უმნიშვნელოვანესი დაპირისპირება ელის. "ატლეტიკოს" მიერ "ხეტაფეს" დამარცხების შემდეგ, "ბარსას" მოგება აუცილებლად სჭირდება. ამასთან, "ბარსელონას" პრიმერა დივიზიონის 2021-22 წლების სეზონის გათამაშებაში ზედიზედ 3 მატჩი არ მოუგია, რისი შანსიც ახლა აქვს.

ამჟამად "ბლაუგრანა" 22 მატჩის შემდეგ მოპოვებული 38 ქულით მეხუთე ადგილზე იმყოფება, მის წინ ერთი პოზიციით მყოფ "ატლეტიკოს" კი 23 შეხვედრის შემდეგ 39 ქულა აქვს.

"ესპანიოლი"-"ბარსელონას" დაპირისპირება თბილისის დროით 23:55 საათზე დაიწყება. მატჩის პირდაპირ რეპორტაჟს სილქ უნივერსალი წარმოგიდგენთ.

MATCHDAY: Espanyol vs Barcelona.

🏆| La Liga MatchDay 24.
🏟| RCDE Stadium, Barcelona.
📅| 13th February, 2022.
⏰| 21:00 CET.
Referee: Alejandro Hernández.#EspanyolBarça #LaLiga pic.twitter.com/6Dl7iFCo9C

— Barça Buzz (@Barca_Buzz) February 13, 2022