დემბელე ესპანიოლთან ითამაშებს
Mundo Deportivo-ს ინფორმაციით, ტრიბუნებზე იძულებით გადასმის შემდეგ უსმან დემბელე "ბარსელონას" შემადგენლობას დაუბრუნდება და ეს ხვალ, "ესპანიოლთან" შეხვედრაში მოხდება.
მიუხედავად იმისა, რომ დემბელემ "ბარსას" მოთხოვნები არ დააკმაყოფილა, ჩავი ერნანდესი მისი სასჯელის სეზონის ბოლომდე გაგრძელებას საჭიროდ არ თვლის და 24 წლის ფეხბურთელს სათამაშო დროს ისევ მისცემს, თუმცა შემადგენლობაში მისი როლი არ გაიზრდება. ამას ჩავი დემბელეს იანვრამდე ჰპირდებოდა, მაგრამ ამის შემდეგ "ბარსას" შეტევა საგრძნობლად გაძლიერდა.
აღსანიშნავია, რომ ბოლოდროინდელი სიახლეების ფონზე "კამპ ნოუს" პუბლიკა უსმანს მეგობრულ დახვედრას არ უწყობს. ფრანგ შემტევს საშინაო მოედანზე სათადარიგოთა სკამზე ყოფნისას უსტვენენ, "ესპანიოლთან" გასვლით მატჩში კი ამ მხრივ მეტი თავისუფლება ექნება.
ჯერ გადაწყვეტილი არაა, დემბელე კატალონიურ დერბიში სასტარტო შემადგენლობაში იქნება თუ შეხვედრაში მოგვიანებით ჩაერთვება.
ამ სიახლეზე კომენტარები გათიშულია.
კომენტარები [ 9 ]