MD: ატლეტიკოს მორატას გაყიდვა 35-40 მილიონად სურს

როგორც ჩანს, "ბარსელონასთვის" ალვარო მორატას დამატება რთული იქნება.

"ატლეტიკოს" შუა სეზონში კონკურენტის გაძლიერება არ სურს. Mundo Deportivo წერს, რომ "როხიბლანკო" მორატას ტრანსფერს მხოლოდ იმ შემთხვევაში დათანხმდება, თუ "ბლაუგრანა" 35-40 მილიონ ევროს გადაიხდის. ეს პირობა "ბარსასთვის", რა თქმა უნდა, მიუღებელია, რადგან კლუბი ფინანსურ რესურსს ზაფხულში ერლინგ ჰოლანდის ტრანსფერისთვის ამზადებს. აქვე, შეგვიძლია აღვნიშნოთ, რომ, სავარაუდოდ, ზაფხულში "ატლეტიკოს" ანტუან გრიზმანის 40 მილიონ ევროდ გამოსყიდვის ვალდებულება ექნება.

ასევე, მორატას არ უშვებს მასიმილიანო ალეგრიც. მას ესპანელის დათმობა შემცვლელის პოვნის გარეშე არ სურდა. ვლაჰოვიჩის გაფორმების შემდეგ კი, წესით, "იუვეს" ტრანსფერი აღარ უნდა დაებლოკა, თუმცა ფედერიკო კიეზას მძიმე ტრავმამ ალეგრის გეგმები შეცვალა.

იანვრის სატრანსფერო ფანჯრის დახურვამდე 3 დღე რჩება.