ნიუკასლი უსმან დემბელეს იანვარში დამატებაზე მუშაობს
უსმან დემბელეს მომავალი ისევ გაურკვეველია. ფრანგი შემტევის სატრანსფერო საგა გრძელდება.
ბოლო დღეებში გავრცელდა ინფორმაცია, რომ მოლაპარაკებები ჩაიშალა და დემბელე "ბარსელონას" მაისურით აღარ ითამაშებს. გავრცელებული ცნობებით "ბარსას" ფეხბურთელის იანვარში გაყიდვა უნდა, თავად უსმანი კი ამის წინააღმდეგია და ზაფხულში უფასოდ წასვლას გეგმავს. ცოტა ხნის წინ გავრცელდა ინფორმაცია, რომლის თანახმადაც ფრანგ თავდამსხმელს "ბლაუგრანაში" დარჩენა ისევ უნდა.
დემბელეს დამატების ერთ-ერთი კანდიდატი მსოფლიოს უმდიდრესი კლუბი "ნიუკასლია". გავრცელებული ინფორმაციით "ბარსელონამ" "კაჭკაჭებს" ფეხბურთელის იანვარშივე შეძენა შესთავაზა.
Sport-ის ცნობით "ნიუკასლი", რომელიც პრემიერ ლიგაში დარჩენისთვის იბრძვის, უსმან დემბელეს მიმდინარე თვეშივე დამატების იდეით მოხიბლულია და ინგლისელები "ბარსელონასთან" მოლაპარაკებებს უკვე აწარმოებენ. პარალელურად "კაჭკაჭები" ცდილობენ, უსმანი დაითანხმონ, მან გუნდი მიმდინარე სეზონშივე შეიცვალოს. "ნიუკასლს" დემბელე კლუბის ისტორიაში ახალი ეპოქის დაწყებისთვის მნიშვნელოვან ფიგურად ესახებათ.
ამ სიახლეზე კომენტარები გათიშულია.
კომენტარები [ 12 ]