ადამა ტრაორე უსმან დემბელეს შემცვლელად
ცოტა ხნის წინ გავრცელდა ინფორმაცია, რომ უსმან დემბელეს, დიდი ალბათობით, "ბარსელონას" მაისურით აღარ ვიხილავთ. მხარეები კონტრაქტის გახანგრძლივებაზე ვერ შეთანხმდნენ. კატალონიური კლუბი აპირებს, ფრანგი შემტევი ამ თვეშივე გაუშვას, წინააღმდეგ შემთხვევაში ფეხბურთელი სეზონის დარჩენილ ნაწილს ტრიბუნებზე გაატარებს.
Sport-ის ინფორმაციით, დემბელეს შეცვლის მთავარი კანდიდატი "ვულვერჰემპტონის" მოთამაშე ადამა ტრაორეა, რომელსაც "ბარსელონაში" დაბრუნება უნდა. კატალონიურმა კლუბმა 25 წლის ფეხბურთელის აგენტის, ჟორჟე მენდეშის მეშვეობით ტრანსფერის პირობები უკვე იცის. "ბლაუგრანას" ესპანელი შემტევი დაახლოებით 20 მილიონი ევრო დაუჯდება. მენდეში "ბარსასთან" მოლაპარაკებებს რამდენიმე კვირაა აწარმოებს.
ტრაორემ "ბარსელონა" 2015 წელს დატოვა, რის შემდეგაც ის "ასტონ ვილას" შეუერთდა. 2016 წელს ადამამ "მიდლბროს" მიაშურა, 2018 წლიდან კი იგი "ვულვზში" ირიცხება.
ესპანელმა გარემარბმა მიმდინარე სეზონში 22 მატჩი ჩაატარა და 1 გოლი გაიტანა.
ამ სიახლეზე კომენტარები გათიშულია.
კომენტარები [ 18 ]