ბარსას ვლაჰოვიჩის 18 მილიონად შეძენის შანსი ჰქონდა
"ბარსელონას" "ფიორენტინას" თავდამსხმელის, დუშან ვლაჰოვიჩის იაფად გაფორმების შესაძლებლობა ჰქონდა, მაგრამ კატალონიურმა კლუბმა ეს შანსი ხელიდან გაუშვა. ამის შესახებ ინფორმაციას Marca ავრცელებს.
მადრიდული წყაროს ცნობით, ვლაჰოვიჩი "ბარსელონას" 2020 წელს ერთწლიანი იჯარით 18 მილიონ ევროდ გამოსყიდვის ვალდებულებით შესთავაზეს, თუმცა, კლუბმა ამ ვარიანტზე უარი თქვა. "ბლაუგრანას" მაშინდელ ხელმძღვანელობას, რომლის სათავეში ავადსახსენებელი ჟოზეპ მარია ბართომეუ იდგა, 21 წლის შემტევის დამატებასთან დაკავშირებით ეჭვები ჰქონდა, რადგან იმ დროისთვის მოთამაშე ფორმიდან ამოვარდნილი იყო.
ასე და ამგვარად - "ბარსას" შეეძლო, ფეხბურთელი, რომელიც ზაფხულში 70 მილიონზე ნაკლებად ხელმისაწვდომი არ იქნება, ხელში მხოლოდ 18 მილიონ ევროდ ჩაეგდო.
აქვე წარმოგიდგენთ ვლაჰოვიჩის სტატისტიკას მიმდინარე სეზონში - 23 მატჩი, მოედანზე გატარებული 1 948 წუთი, 19 გოლი და 4 ასისტი.
ამ სიახლეზე კომენტარები გათიშულია.
კომენტარები [ 6 ]