ბარსა და ლა ლიგა ფერან ტორესის დასარეგისტრირებლად კოუტინიოს სამედიცინო შემოწმებას ელოდებიან
ცოტა ხნის წინ "ბარსელონას" ცენტრალურმა მცველმა სამუელ უმტიტიმ კონტრაქტი გაახანგრძლივა, რაც კატალონიურ კლუბს ფერან ტორესის დარეგისტრირების საშუალებას აძლევს, თუმცა, ამისთვის ისიცაა საჭირო, რომ ფილიპე კოუტინიოს "ასტონ ვილაში" ტრანსფერი ოფიციალურად გაფორმდეს.
"ბარსელონა" და "ასტონ ვილა" კოუტინიოს იჯარაზე პარასკევს შეთანხმდნენ, მაგრამ ფილიპეს ტრანსფერის ოფიციალურად გაფორმება მისი კორონავირუსით ინფიცირების გამო შეფერხდა. 29 წლის მოთამაშე ბირმინგენში გუშინ გაფრინდა.
Mundo Deportivo-ს ცნობით, იმისათვის, რომ კოუტინიოს ტრანსფერი დაიხუროს, მან სამედიცინო შემოწმება უნდა გაიაროს, რაც, სავარაუდოდ, უახლოეს საათებში მოხდება. "ბარსელონა" და ლა ლიგა ფერანის დასარეგისტრირებლად ბრაზილიელის სამედიცინო შემოწმების წარმატებით გავლას უცდიან.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 6 ]