ბარსელონა ადამა ტრაორეს ტრანსფერზე მუშაობს
Sport-ის ჟურნალისტი ლუის მიგელსანსი "ბარსელონას" სატრანსფერო გეგმებთან დაკავშირებით ახალ ინფორმაციას ავრცელებს.
მიგელსანსის ცნობით, თუ კატალონიური კლუბი უსმან დემბელეს დაკარგავს, იგივე პოზიციის გასაძლიერებლად "ვულვერჰემპტონიდან" ადამა ტრაორეს დამატებას ეცდება. ესპანელ ფეხბურთელს "ბარსას" მოთამაშეების ნაწილთან ახლო ურთიერთობა აქვს და კლუბის სპორტული სექტორის ფავორიტია.
ტრანსფერის განხორციელების გასამარტივებლად, შესაძლოა, გარიგებაში ფრანსიშკუ ტრინკაუ ჩაერთოს - "ბლაუგრანას" პორტუგალიელი შემტევი იჯარით სწორედ "ვულვზში" თამაშობს და "ბარსელონას" ხელმძღვანელებს მის აგენტთან კარგი ურთიერთობა აქვთ.
ტრაორეს "ბარსაში" დაბრუნების დიდი სურვილი აქვს. ის "ლა მასიას" აღზრდილია და 2013-15 წლებში, პრემიერ ლიგაში გადასვლამდე, პერიოდულად პირველი გუნდის მაისურითაც თამაშობდა.
ამ სიახლეზე კომენტარები გათიშულია.
კომენტარები [ 17 ]