ბარსა მარსიალის აგენტს დაუკავშირდა; კავანის რანგნიკი არ უშვებს

ჟულიენ მეინარდის ცნობით, "ბარსელონამ" "მანჩესტერ იუნაიტედთან" და ენტონი მარსიალის აგენტთან ფეხბურთელის იჯარის თაობაზე იმსჯელა.

ფრანგ შემტევს, რომლის მიმართ ინტერესს "იუვენტუსიც" გამოთქვამს, "წითელი ეშმაკების" დატოვება სურს. მას "სევილიასთან" კონტრაქტი უკვე შეთანხმებული ჰქონდა, თუმცა, ინგლისელებმა ტრანსფერი დაბლოკეს.

რაც შეეხება ედინსონ კავანის - როგორც Mundo Deportivo იუწყება, ურუგვაელ თავდამსხმელს "ბარსელონაში" გადმოსვლა სურს, რის გამოც ბრაზილიიდან რამდენიმე შეთავაზებაზე უარი თქვა, მაგრამ მას ხელს რალფ რანგნიკი უშლის, რომელიც გამოცდილი მოთამაშის გაშვებას არ აპირებს.