შესაძლოა კოუტინიოს წასვლა ტორესის დარეგისტრირებისთვის საკმარისი არ იყოს
ფერან ტორესის დარეგისტრირებასთან დაკავშირებით გაუგებრობა გრძელდება.
კოუტინიოს ტრანსფერის დადასტურებამდე, ცნობილი იყო, რომ ბრაზილიელის წასვლა ტორესის დარეგისტრირებისთვის საკმარისი იქნებოდა, თუმცა ასე არ აღმოჩნდა.
Sport-ისა და RAC1-ის ინფორმაციით, "ბარსელონას" ლა ლიგისთვის ინფორმაცია გაგზავნილი აქვს, მაგრამ კლუბში ფიქრობენ, რომ გუნდიდან კიდევ ერთი ფეხბურთელის გაშვება იქნება საჭირო.
"ბარსა" ლა ლიგის პასუხის მოლოდინშია, თუმცა კატალონიური გამოცემები იტყობინებიან, რომ ნერვიულობის საფუძველი არ არსებობს, რადგან დღეს ან ხვალ "ბლაუგრანას" კიდევ ერთი ფეხბურთელი დატოვებს. ამ ფეხბურთელის ვინაობა არ სახელდება, თუმცა, სავარაუდოდ, საქმე იუსუფ დემირის იჯარის შეწყვეტას ეხება.
ასეთ ვითარებაში ფერანის "გრანადასთან" დებიუტი ძალიან რთულად წარმოსადგენია.
Update: ელენა კონდისის ცნობით, კოუტინიოს ტრანსფერი სამშაბათამდე ვერ დაიხურება. ამისათვის, საჭიროა, რომ კოუტინიომ ინგლისში სამედიცინო შემოწმება წარმატებით გაიაროს და ბრიტანეთში მუშაობის უფლება მიიღოს. ვინაიდან იგი კოვიდინფიცირებულია და გამგზავრებას ვერ ახერხებს, პროცესი, როგორც მინიმუმ, სამშაბათამდე გაიწელება. ამ მომენტისთვის, "ბარსას" ფერან ტორესის დარეგისტრირება არ შეუძლია.
ამ სიახლეზე კომენტარები გათიშულია.
კომენტარები [ 8 ]