Sport: კოუტინიოს გამოსასყიდი თანხის ოდენობა 40 მილიონი ევროა

დღეს, ფილიპე კოუტინიოს "ასტონ ვილაში" ტრანსფერი ოფიციალურად დადასტურდა.

იგი ბირმინგემულ კლუბში სეზონის ბოლომდე იჯარით ითამაშებს. ზაფხულში კი "ასტონ ვილას" მისი გამოსყიდვის უფლება ექნება. Sport-ისა და RAC1-ის ცნობით, გამოსასყიდი თანხის ოდენობა 40 მილიონ ევროს შეადგენს. ასევე, ფაბრიციო რომანო იტყობინება, რომ "ასტონ ვილა" კოუტინიოს ხელფასის 65%-ს გადაიხდის.

ბრაზილიელი პრემიერ ლიგას 4-წლიანი პაუზის შემდეგ უბრუნდება. ტრანსფერის განხორციელებაში მნიშვნელოვანი როლი "ასტონ ვილას" მთავარმა მწვრთნელმა, სტივენ ჯერარდმა, ითამაშა.