ჩავი დემბელეთი ძალიან იმედგაცრუებულია - AS

ბოლოს დროს გავრცელებული ინფორმაციით ირკვევა, რომ უსმან დემბელე წასვლასთან უფრო ახლოსაა, ვიდრე დარჩენასთან. “ბარსელონასა” და ფრანგ შემტევს შორის მოლაპარაკებები ჩიხში შევიდა, რისი მიზეზიც 24 წლის ფეხბურთელის მიერ ასტრონომიული მოთხოვნებია.

AS-ის ცნობით, ჩავი ერნანდესი დემბელეთი ძალიან იმედგაცრუებულია. უსმანი მას 20 დეკემბერს შეჰპირდა, რომ კონტრაქტს გაახანგრძლივებდა. “ბლაუგრანას” მთავარი მწვრთნელი მიიჩნევს, რომ აგენტს ფეხბურთელზე ძალიან დიდი გავლენა აქვს.

წყაროს ინფორმაციით, ჩავის ჯერ კიდევ აქვს იმის იმედი, რომ დემბელე საბოლოოდ კლუბის შეთავაზებას დათანხმდება.

ცოტა ხნის წინ გავრცელებული ცნობების თანახმად, “ბარსასა” და დემბელეს შორის ორშაბათს საბოლოო შეხვედრა გაიმართება.