ბარსელონა ასპილიკუეტას უკვე შეუთანხმდა, კრისტენსენთან კი მოლაპარაკებებს აწარმოებს
Sport-ის ინფორმაციით, "ბარსელონა" ანდრეას კრისტენსენის გარემოცვასთან მოლაპარაკებებს რამდენიმე კვირაა აწარმოებს. კლუბს სურს, მასთან წინასწარ შეთანხმებას მალე მიაღწიოს.
დანიელ მცველს "ჩელსისთან" კონტრაქტი მომავალი წლის ზაფხულში ეწურება, რაც ნიშნავს, რომ 1 იანვრიდან მას სხვა კლუბებთან მოლაპარაკება შეუძლია, მოწინავე პოზიციაზე კი სწორედ "ბარსაა".
იმის გათვალისწინებით, რომ კლემან ლანგლე და სამუელ უმტიტი ტრანსფერზე დგანან, ჟერარ პიკე კი მალე 35 წლის ხდება, კატალონიელები ცენტრალური დაცვის გაახალგაზრდავებას აპირებენ.
ხელმძღვანელობას მიაჩნია, რომ კრისტენსენი ძლიერი უკანახაზელია, რომელსაც ბურთის კონტროლი შეუძლია, და რონალდ არაუხოსთან ერთად შესანიშნავ დუეტს შექმნის.
ზემოხსენებული წყაროს ცნობით, "ბლაუგრანამ" "ჩელსის" ერთ მცველთან, სესარ ასპილიკუეტასთან წინასწარ შეთანხმებას უკვე მიაღწია - ესპანელი გუნდს მომავალ ზაფხულში თავისუფალი აგენტის სტატუსით შეუერთდება.
ამ სიახლეზე კომენტარები გათიშულია.
კომენტარები [ 8 ]