აბდე ესპანეთის ნაკრების არჩევაზე სერიოზულად ფიქრობს
აბდე ეზალზული სერიოზულად განიხილავს ვარიანტს, რომ მან მაროკოს ნაკრებში თამაშზე უარი თქვას და ესპანეთის ნაკრები ამჯობინოს.
20 წლის გარემარბი აფრიკის თასისთვის მაროკოს ნაკრებშია გამოძახებული. აქამდე ვრცელდებოდა ცნობები, რომ მისი პრიორიტეტი იყო, ფეხი ჯერ "ბარსელონაში" მოეკიდებინა, შემდეგ კი სანაკრებო კარიერისთვის მიეხედა. ამ მიზნისთვის აბდე მაროკოს ფეხბურთის ფედერაციასთან მოლაპარაკებას აწარმოებდა და ცდილობდა, აფრიკელები დაეთანხმებინა, რომ კონტინენტის პირველობაზე არ გამოეძახებინათ.
დღეს აბდეს კორონავირუსი დაუდასტურდა და რაც დანამდვილებით ვიცით, ისაა, რომ ის ნაკრებს აფრიკის თასის საწყის ეტაპზე ვერ დაეხმარება. თუმცა როგორც ირკვევა, არაა გამორიცხული, არც არასდროს დაეხმაროს.
Mundo Deportivo-ს მიერ გავრცელებული ინფორმაციით ირკვევა, რომ ეზალზული სერიოზულად ფიქრობს, ესპანეთის ნაკრები აირჩიოს. მას ამის შანსი მაშინვე გაუჩნდა, როდესაც მაროკოს ნაკრებიდან მიწვევა მიიღო. გავრცელებული ცნობებით თავდაპირველად აბდემ მაროკო არჩია, მაგრამ ახლა ის აზრის შეცვლასთან ახლოსაა.
ამ სიახლეზე კომენტარები გათიშულია.
კომენტარები [ 4 ]