ბარსელონასა და ფილიპე კოუტინიოს წარმომადგენლების შეხვედრა გადაიდო
ფილიპე კოუტინიოსა და "ბარსელონას" წარმომადგენლებს შორის დაგეგმილი შეხვედრა დროებით გადაიდო - ინფორმაციას Mundo Deportivo-ს ჟურნალისტი როჟერ ტორელიო ავრცელებს. წყაროს ცნობით, შეხვედრა, რომელზეც უნდა გადაწყდეს, რჩება თუ არა ბრაზილიელი ფეხბურთელი "ბარსელონაში", საახალწლო დასვენების შემდეგ გაიმართება.
შესაბამისად, საბოლოო გადაწყვეტილების მისაღებად კოუტინიოს მეტი დრო ექნება. ფილიპეს "ბარსას" შემადგენლობაში თამაშის შანსი საკმაოდ ხშირად ეძლევა, თუმცა თავის გამოჩენას ვერ ახერხებს. მისი დარჩენა გამორიცხული არ არის, თუმცა, როგორც ცნობილია, აგენტი პარალელურად მოლაპარაკებებს სხვა კლუბებთანაც აწარმოებს.
კოუტინიოს დამატების მთავარი მსურველი ლონდონის "არსენალია". დიდი ალბათობით, მალე ინტერესს "ნიუკასლ იუნაიტედიც" გამოთქვამს, რომელმაც "ბარსას" სხვა ფეხბურთელებს თვალი უკვე დაადგა - კლუბის ახალ მფლობელებს უსმან დემბელეს გადაბირება სურთ.
ამ სიახლეზე კომენტარები გათიშულია.
კომენტარები [ 6 ]