ოფიციალურად: ფერან ტორესი ბარსელონას ფეხბურთელია
ახალგაზრდა ესპანელი თავდამსხმელი, ფერან ტორესი "ბარსელონას" ფეხბურთელია. ამ ინფორმაციას კატალონიური კლუბის ოფიციალური საიტი ადასტურებს.
"ბარსამ" ამის შესახებ სპეციალურად მომზადებული ვიდეორგოლის მეშვეობით გვამცნო, რომელშიც ტრანსფერს თავად ფერანი ადასტურებს.
"ბლაუგრანას" მიერ გავრცელებულ ოფიციალურ განცხადებაში ნათქვამია, რომ 21 წლის შემტევმა კლუბთან კონტრაქტი 2027 წლის 30 ივნისამდე გააფორმა. მისი გამოსასყიდი თანხა 1 მილიარდი ევრო იქნება.
ტორესის პრეზენტაცია ორშაბათს, 3 იანვარს, თბილისის დროით 14:00 საათზე გაიმართება. 15:00 საათზე "ბარსა" ვარჯიშს ჩაატარებს, რის შემდეგაც ფეხბურთელი მედიის წინაშე დისტანციურად, საპრესკონფერენციო დარბაზიდან წარსდგება.
ფერან ტორესის პრეზენტაციის ზოგადი განრიგი ასეთია:
13:00 საათი - "ბარსა" "კამ ნოუზე" კარებს ხსნის
14:00 საათი - ტორესი "კამპ ნოუზე" წარდგება
15:00 საათი - გუნდი ღია ვარჯიშს ჩაატარებს
17:00 საათი - ფერანი პრესკონფერენციას გამართავს.
ღონისძიებას პირდაპირ ეთერში BarcaTV+ და კლუბის ოფიციალური არხები 13:30 საათიდან გადასცემენ.
And the #DreamTeen crew grows ... pic.twitter.com/qmTFJLSOjM
— FC Barcelona (@FCBarcelona) December 28, 2021
ამ სიახლეზე კომენტარები გათიშულია.
კომენტარები [ 12 ]