ჩავის ბარსელონაში დუშან ვლაჰოვიჩის ხილვა სურს
Cadena Ser-ის ჟურნალისტის, სიკე როდრიგესის მიერ გავრცელებული ინფორმაციის თანახმად, "ბარსელონა" სერბი ცენტრფორვარდის, დუშან ვლაჰოვიჩის დამატებაზე ფიქრობს.
"ფიორენტინას" ფეხბურთელი განსაკუთრებით ჩავი ერნანდესს მოსწონს, რომლის ასისტენტები მის პროგრესს თვალს აქტიურად ადევნებენ. ვლაჰოვიჩი სერია ა-ს საუკეთესო ბომბარდირია და თითქმის გამორიცხულია, რომ ზაფხულში უფრო მაღალი დონის კლუბში არ გადავიდეს.
აღსანიშნავია, რომ ბართომეუს ბორდის მმართველობის დროს "ბარსას" დუშანის ტრანსფერი შესთავაზეს, მაგრამ კლუბმა ფეხბურთელის საკმაოდ იაფად, 18 მილიონ ევროდ დამატებაზე უარი თქვა. ეს 2020 წლის ზაფხულში მოხდა, რის შემდეგაც მდგომარეობა საგრძნობლად შეიცვალა: ამჟამად, ვლაჰოვიჩის ტრანსფერის მსურველი ბევრად მეტი ტოპ კლუბია, რომელსაც მის სანაცვლოდ ბევრად მეტის გადახდა შეუძლია, ვიდრე "ბარსას".
ეს პირველი შემთხვევა არაა, როცა კატალონიურმა კლუბმა არასწორი გათვლა გააკეთა: როგორც ცნობილია, "ბარსას" თავის დროზე უარი კილიან მბაპესა და ერლინგ ჰოლანდისთვისაც აქვს ნათქვამი.
მიმდინარე სეზონში "ფიორენტინას" მაისურით დუშან ვლაჰოვიჩის ანგარიშზე 18 მატჩში 17 გოლია, სერბეთის ნაკრების შემადგენლობაში კი 2021 წლის დასაწყისიდან 10 მატჩში 6 გოლი.
ამ სიახლეზე კომენტარები გათიშულია.
კომენტარები [ 13 ]