ანსუ ფატის დაბრუნების თარიღი ცნობილია - Marca

"ბარსელონას" ახალგაზრდა შემტევი ანსუ ფატი რეაბილიტაციის პროცესი დასასრულს უახლოვდება.

Marca-ს ინფორმაციით, ყველაფერი იმაზე მიუთითებს, რომ ფატი მომავალი წლის 2 იანვარს "მალიორკას" წინააღმდეგ გასამართ მატჩში დაბრუნდება.

19 წლის ტალანტმა ბოლო ტრავმა 6 ნოემბერს "სელტასთან" შეხვედრაში მიიღო. ფატი თავდაუზოგავად მუშაობდა იმისათვის, რომ მას 8 დეკემბერს "ბაიერნის" წინააღმდეგ ეთამაშა, თუმცა, "ბარსელონამ" გადაწყვიტა, ანსუს ჯანმრთელობით არ გაერისკა. საბოლოოდ გადაწყდა, რომ "ბარსას" 10 ნომერი მიმდინარე წელს აღარ ითამაშებს. ის საშობაო პერიოდს გამოიყენებს და 2022 წლის პირველ თამაშში სრულად გამოჯანმრთელებული დაბრუნდება.

ფატიმ მიმდინარე სეზონში მონაწილეობა 8 მატჩში მიიღო, 4 გოლი გაიტანა და 1 ასისტი გააკეთა. მას ტრავმების გამო 14 თამაში გაუცდა.