რომელმა გამოცემებმა დაუჭირეს პედრის მხარი Golden Boy-ს ჯილდოზე
2021 წელი პედრისთვის ინდივიდუალურად შესანიშნავი იყო. "ბარსელონას" ტალანტი, France Football-ის დაჯილდოებაზე რაიმონ კოპას სახელობის პრიზის მოგებამდე, Golden Boy-ს მფლობელი გახდა, რომელსაც საუკეთესო ახალგაზრდა ფეხბურთელს გამოცემა TuttoSport გადასცემს.
"ოქროს ბიჭუნას" პრიზის ხმის მიცემაში წამყვანი სპორტული გამოცემების ჟურნალისტები მონაწილეობენ, რომლებიც რიგითობის მიხედვით 5 სასურველ კანდიდატს ასახელებენ.
Sport-ის ჟურნალისტმა, ტონი ჟუანმარტიმ გაარკვია, რომელმა გამოცემებმა გაიყვანეს პედრი პირველ ადგილზე. წყაროს ინფორმაციით, 19 წლის ნახევარმცველის პირველობას მხარი 40-დან 25-მა გამოცემამ დაუჭირა, მათ შორის Sport და Mundo Deportivo იყვნენ, Marca-მ იგი მეორე ადგილზე დააყენა, Diario AS-ს კი მისთვის ხმა საერთოდ არ მიუცია. ამ უკანასკნელს გერმანული Bild-ის იტალიური Gazzetta dello Sport-ისა და ფრანგული La Parisien-ის ჟურნალისტებმაც მიბაძეს.
ცნობისთვის, პედრის მოგებულ ჯილდოს 13 დეკემბერს, ტურინში დაგეგმილ ცერემონიაზე გადასცემენ.
ამ სიახლეზე კომენტარები გათიშულია.
კომენტარები [ 10 ]