პიკე და გავი დისკვალიფიკაციის ზღვარზე

"ბაიერნთან" შეხვედრას "ბარსას" ორი ფეხბურთელი დისკვალიფიკაციის საფრთხის ქვეშ ხვდება.

ჟერარ პიკესა და გავის ჩემპიონთა ლიგის მიმდინარე გათამაშებაში 2-2 ყვითელი ბარათი აქვთ მიღებული. იმ შემთხვევაში, თუ დღეს რომელიმე მათგანი არბიტრისგან გაფრთხილებას მიიღებს, ევროტურნირებზე ერთმატჩიანი დისკვალიფიკაციით დაისჯებიან. დისკვალიფიკაცია ვრცელდება როგორც ჩემპიონთა ლიგაზე, ასევე - ევროპა ლიგაზე.

როგორც მოგეხსენებათ, ჯგუფური ეტაპის ბოლო ტურის წინ, "ბარსელონას" "ბენფიკას" 2 ქულით უსწრებს. იმისათვის, რათა გუნდმა ჩემპიონთა ლიგაზე ასპარეზობა განაგრძოს, "ალიანც არენაზე" გამარჯვების მოპოვება სჭირდება. წარმატების ალტერნატიულ ვარიანტს "ბენფიკას" ვერმოგება წარმოადგენს, რაც ნაკლებად სავარაუდოა, რადგან ჟორჟე ჟეზუსის გუნდი "და ლუჟზე" უმოტივაციო კიევის "დინამოს" ხვდება.