ერთი დღე "ბარსას" ისტორიაში - 4 დეკემბერი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 4 დეკემბერი მოხდა.

თამაშები

4 დეკემბერი "ბარსელონამ" 14 ოფიციალური თამაში ჩაატარა, საიდანაც კატალონიელებმა 6 მოიგეს, 4 ფრედ დაასრულეს და 4 წააგეს.

1960 წელი

"კამპ ნოუზე" გამართულ "ელ კლასიკოში" "ბარსელონა" 3-5 დამარცხდა. მასპინძელთაგან გოლები მარტინესმა, ვილიავერდემ და კუბალამ გაიტანეს.

1967 წელი

დაიბადა "ბარსელონას" ყოფილი ნახევარმცველი გილერმო ამორი. 1988-1998 წლებში მან "ბლაუგრანას" მაისურით 432 თამაში ჩაატარა და 69 გოლი გაიტანა. ამორმა კატალონიურ გუნდში 5 ესპანეთის ჩემპიონატი, 4 ესპანეთის სუპერ თასი, 3 ესპანეთის თასი, 2 თასების მფლობელთა თასი, 2 ევროპის სუპერ თასი და 1 ჩემპიონთა ლიგა მოიგო.

1977 წელი

"კამპ ნოუზე" გამართულ "ელ კლასიკოში" "ბარსელონა" 2-3 დამარცხდა. მასპინძელთაგან ორივე გოლი კარლეს რეშაკმა გაიტანა.

1988 წელი

დაიწყო ესპანეთის ქალთა ჩემპიონატის პირველი გათამაშება, რომელიც "ბარსელონამ" მე-4 ადგილზე დაასრულა.

2010 წელი

"ოსასუნასთან" 3-0 მოგებულ შეხვედრაში ლიონელ მესიმ პეპ გვარდიოლას ერაში თავისი მე-100 გოლი გაიტანა.