ბარსელონას 17 წლის მცველი ეროვნულ ნაკრებში გამოიძახეს

დიეგო ალმეიდა "ბარსელონას" ერთ-ერთი მომავალია და მიუხედავად იმისა, რომ ის ჯერ მხოლოდ 17 წლისაა, უკვე ეროვნულ ნაკრებში გამოიძახეს.

5 დეკემბერს ეკვადორის ნაკრები ელ სალვადორს ამხანაგურად დაუპირისპირდება. ეკვადორელთა განაცხადი ცნობილია და მასში "ბარსას" 17 წლის ფეხბურთელიც მოხვდა.

ალმეიდა "ლა მასიას" ერთ-ერთ ყველაზე იმედისმომცემ ცენტრალურ მცველად ითვლება და როგორც ირკვევა, არცთუ უსაფუძვლოდ - ფეხბურთელს ჯერ "ბარსა ბ-შიც" კი არ უთამაშია და უკვე ეროვნულ გუნდში გამოიძახეს.

დიეგო ალმეიდა კატალონიაშია დაბადებული, მაგრამ მას ეკვადორის მოქალაქეობა აქვს.