ბარსელონა და მანჩესტერ სიტი შეთანხმებასთან ახლოს არიან
"ბარსელონა" "მანჩესტერ სიტისთან" ფერან ტორესის ტრანსფერის თაობაზე შეთანხმებასთან ახლოსაა. ამ ინფორმაციას ცნობილი სპორტული ჟურნალისტი ჟერარ რომერო ავრცელებს.
წყაროს ცნობით, "ბარსა" "სიტის" დაახლოებით 50 მილიონ ევროს გადაუხდის. "ბლაუგრანა" 21 წლის შემტევის გარიგებაში არცერთ ფეხბურთელს არ ჩართავს.
იგივე წყარო იტყობინება, რომ ფერანმა გვარდიოლას წასვლის შესახებ 17 ნოემბერს აცნობა, რაზეც პეპმა მიუგო: "თუ "ბარსაში" გადასვლა გინდა, სპორტული თვალსაზრისით ამას გაგიიოლებ".
Foot Mercato-ს ინფორმაციით, კატალონიური კლუბის მიზანი მომდევნო კვირაში "ქალაქელებთან" შეთანხმების მიღწევაა. "ბარსელონა" დაახლოებით 50 მილიონ ევროს 5 წლის განმავლობაში გადაიხდის.
ასევე ვრცელდება ცნობები, რომ ტორესის ტრანსფერი "ზალცბურგის" შემტევის, ქარიმ ადეიემის "ბლაუგრანაში" გადმოსვლას არ გამორიცხავს.
ამ სიახლეზე კომენტარები გათიშულია.
კომენტარები [ 8 ]