პიანიჩი-არტურის გაცვლას იტალიის ფინანსური პოლიცია იძიებს
იტალიის ფინანსთა და ეკონომიკის სამინისტროს დაქვემდებარებაში მყოფმა ფინანსურმა პოლიციამ ტურინის "იუვენტუსის" ტრანსფერების დროს განხორციელებული ფინანსური ოპერაციების შესწავლა დაიწყო, რომლებშიც, სავარაუდო კანონდარღვევები იკვეთება. ინფორმაციას Calcio Mercato ავრცელებს.
საქმეში "ბარსელონაც" ფიგურირებს - იმ 42 ტრანსფერს შორის, რომელთა გამოძიებაც მიმდინარეობს, მირალემ პიანიჩისა და არტურის გაცვლაც მოხვდა, რომელიც 2019/20 წლების სეზონის წინ მოხდა.
ეს თემა აქტუალური ჟურნალისტ რომენ მოლინას მიერ საფეხბურთო სამყაროში მიმდინარე მოვლენებზე სკანდალური ცნობების გავრცელების შემდეგ გახდა და დიდი ალბათობით, სამართალდამცავების ინტერესიც სწორედ ამან გამოიწვია.
პიანიჩის ტრანსფერი ბოლო პერიოდში "ბარსასთვის" ერთ-ერთი ყველაზე წარუმატებელი იყო. ბოსნიელი ნახევარმცველი კატალონიური გუნდის შემადგენლობას ვერ მოერგო და კლუბის იჯარით დატოვება მოუხდა.
ამ სიახლეზე კომენტარები გათიშულია.
კომენტარები [ 6 ]