ბარსელონა რივერ პლეიტის ტალანტის გადაბირებაზე ფიქრობს
Mundo Deportivo-ს ინფორმაციით, "რივერ პლეიტის" 21 წლის არგენტინელი ტალანტი, ხულიან ალვარესი "ბარსელონას" რადარზე გამოჩნდა.
წყაროს ცნობით, თუ "ბარსა" რაჰიმ სტერლინგის ან ტიმო ვერნერის გაფორმებას ვერ მოახერხებს, კატალონიელები სწორედ ალვარესზე ან არტურ კაბრალზე გადაერთვებიან.
"ბლაუგრანას" შემტევის დამატება იანვარში სურს. ზემოაღნიშნული გამოცემის მტკიცებით, ჩავი უპირატესობას გარემარბის მოყვანას ანიჭებს, თუმცა, ხელმძღვანელობა 9-იანის შეძენას გეგმავს. ხსენებული მოთამაშეების გარდა, "ბარსელონას" ჯესი ლინგარდსა და ედინსონ კავანისაც უკავშირებენ.
რაც შეეხებათ ქარიმ ადეიემისა და დანი ოლმოს - კატალონიელები მათ მიმართ ინტერესს გამოხატავენ, თუმცა ზამთრის სატრანსფერო ფანჯარაზე ამ ფეხბურთელების ყიდვა თითქმის შეუძლებელია. კლუბი მათ ზაფხულში მიუბრუნდება.
საბოლოო ჯამში რჩება 2 რეალური ვარიანტი - ხულიან ალვარესი და არტურ კაბრალი. არგენტინელს ის უპირატესობა აქვს, რომ მას თამაში როგორც ცენტრალურ თავდამსხმელად, ასევე გარემარბად შეუძლია, რაც როგორც კლუბის მესვეურებს, ისე ჩავის დააკმაყოფილებს. ის "ელ მონუმენტალის" ბინადართა რიგებში 2018 წლიდან ასპარეზობს.
ამ სიახლეზე კომენტარები გათიშულია.
კომენტარები [ 9 ]