ერთი დღე "ბარსას" ისტორიაში - 23 ნოემბერი

ერთი დღე "ბარსას" ისტორიაში - 23 ნოემბერი

განვაგრძობთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 23 ნოემბერს მოხდა.

თამაშები

23 ნოემბერს "ბარსელონამ" 22 ოფიციალური თამაში ჩაატარა, საიდანაც კატალონიელებმა 10 მოიგეს, 4 ფრედ დაასრულეს და 8 წააგეს.

1924 წელი

"ესპანიოლთან" გამართული შეხვედრის დროს მსაჯმა ჟოზეპ სამიტიერი მეტოქისთვის ხელის კვრის გამო მოედნიდან გააძევა. ამ გადაწყვეტილებით უკმაყოფილო გულშემატკივრებმა მოედანზე ათასობით მონეტა ისროლეს, რის გამოც თამაში შეწყდა.

1943 წელი

დაარსდა "ბარსელონას" ხელბურთის სექცია.

1952 წელი

"ბარსელონა" "რეალთან" იგებდა, მაგრამ 5 წუთში გატანილი 2 გოლის წყალობით გამარჯვება მადრიდელებს დარჩათ.

1960 წელი

"ბარსელონამ" ჩემპიონთა თასიდან (ამჟამინდელი ჩემპიონთა ლიგა) მოქმედი ჩემპიონი "რეალი" გამოაგდო. ეს იყო პირველი შემთხვევა, როდესაც მადრიდული გუნდი ჩემპიონთა თასიდან გამოვარდა. მადრიდში 2-2 თამაშის შემდეგ "კამპ ნოუზე" მასპინძლებმა ვერგესისა და ევარისტოს გოლებით 2-1 მოიგეს.

1977 წელი

რინუს მიხელსის "ბარსელონა" უეფას თასზე (ამჟამინდელი ევროპის ლიგა) გუნდის მომავალი მწვრთნელის, ბობი რობსონის "იფსვიჩ თაუნთან" 0-3 განადგურდა.

1997 წელი

"ბარსელონას" საკალათბურთო გუნდში დებიუტი ჰქონდა 17 წლის ხუან კარლოს ნავაროს, რომელმაც "გრანადას" 10 წუთში 10 ქულა ჩაუგდო.

2002 წელი

"კამპ ნოუზე" გამართული "ელ კლასიკო" უგოლოდ დასრულდა.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 2 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #2 23 ნოემბერი 2021 14:45
    0
    1943 წელი
    დაარსდა "ბარსელონას" ხელბურთის სექცია.
    (ძალიან მნიშვნელოვანი თარიღია, სირცხვილია რო არ ვიცოდი)
    წევრი [?]
    #1 23 ნოემბერი 2021 14:20
    1
    Nნავარო ყველაზე მაგრად მიყვარს კალათბურთის ისტორიაში !