ერთი დღე "ბარსას" ისტორიაში - 20 ნოემბერი

ერთი დღე "ბარსას" ისტორიაში - 20 ნოემბერი

განვაგრძობთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 20 ნოემბერს მოხდა.

თამაშები

20 ნოემბერს "ბარსელონამ" 14 ოფიციალური თამაში ჩაატარა, საიდანაც კატალონიელებმა 6 მოიგეს, 4 ფრედ დაასრულეს და 4 წააგეს.

1949 წელი

ლა ლიგაში გამართულ შეხვედრაში "ბარსელონა" "სელტასთან" 4-6 დამარცხდა. კატალონიელთა მხრიდან გოლები ნავარომ (2), კანალმა და სეგერმა გაიტანეს.

1962 წელი

დაიბადა "ბარსელონას" ყოფილი მწვრთნელი (2013/14) ხერარდო "ტატა" მარტინო.

1966 წელი

"ბარსელონა" "ელ კლასიკოში" 94-ე წუთზე გაშვებული გოლით დამარცხდა.

1996 წელი

დაიბადა "ბარსელონას" ხელბურთელი ბლაზ იანცი.

2001 წელი

ჩემპიონთა ლიგის ჯგუფურ ეტაპზე "ბარსელონამ" "ლივერპული" სტუმრად 3-1 დაამარცხა. ბოლო გოლის დროს, რომელიც მარკ ოვერმარსმა გაიტანა, "ბარსელონას" 54 პასიანი შეტევა ჰქონდა.

2004 წელი

ლა ლიგის საშინაო შეხვედრაში "ბარსელონამ" "რეალი" 3-0 გაანადგურა. გოლები სამუელ ეტო'ომ, ჯოვანი ვან ბრონხორსტმა და რონალდინიომ გაიტანეს.

"ბარსელონას" მთავარი მწვრთნელისთვის, ფრანკ რაიკარდისთვის ეს ლა ლიგაში გამართული 50-ე თამაში იყო.

2010 წელი

ლა ლიგის შეხვედრაში "ბარსელონამ" "ალმერია" 8-0 გაანადგურა და სტუმრად მოგების მხრივ ტურნირის რეკორდი გაიმეორა, რომელიც თავადვე ეკუთვნოდა. გოლები მესიმ (3), ბოიანმა (2), ინიესტამ, პედრომ და აკასიეტემ (საკუთარ კარში) გაიტანეს.

დანი ალვესისთვის ეს ლა ლიგაში 250-ე თამაში იყო, სეიდუ კეიტასთვის მე-100, დავიდ ვილიასთვის 250-ე, ხოლო ლეო მესიმ ამ ტურნირზე თავისი მე-100 გოლი გაიტანა.

2013 წელი

ლიონელ მესის თავისი რიგით მესამე "ოქროს ბუცი" გადაეცა.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 1 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #1 20 ნოემბერი 2021 19:29
    0
    2010 წელი
    ლა ლიგის შეხვედრაში "ბარსელონამ" "ალმერია" 8-0 გაანადგურა და სტუმრად მოგების მხრივ ტურნირის რეკორდი გაიმეორა, რომელიც თავადვე ეკუთვნოდა. გოლები მესიმ (3), ბოიანმა (2), ინიესტამ, პედრომ და აკასიეტემ (საკუთარ კარში) გაიტანეს.
    დანი ალვესისთვის ეს ლა ლიგაში 250-ე თამაში იყო, სეიდუ კეიტასთვის მე-100, დავიდ ვილიასთვის 250-ე, ხოლო ლეო მესიმ ამ ტურნირზე თავისი მე-100 გოლი გაიტანა.

    მოკლედ მაგარი საიუბილეო თამაში ყოფილა.