ჩავისა და ვისენტე მორენოს დაპირისპირება ფეხბურთელობის დროს

ჩავი ერნანდესი "ბარსელონას" მთავარი მწვრთნელის პოსტზე პირველ შეხვედრას "ესპანიოლის" წინააღმდეგ, 20 ნოემბერს ჩაატარებს.

Sport-ის ინფორმაციით, ჩავისა და "კორნელია-ელ პრატის" ბინადრების ამჟამინდელ თავკაც ვისენტე მორენოს ფეხბურთელობის დროს ერთმანეთის წინააღმდეგ ერთხელ უთამაშიათ - აღნიშულ მატჩში, რომელიც 2009-10 წლების სეზონში გაიმართა, "ბარსამ" "ხერესს" ჟეფრენის, ტიერი ანრისა და ზლატან იბრაჰიმოვიჩის გოლებით 3-1 მოუგო.

წყაროს ცნობით, ერნანდესმა სრული მატჩი ჩაატარა, მორენომ კი მოედანზე მხოლოდ 28 წუთი დაჰყო და ლეო მესის წინააღმდეგ თამაშის წესის დარღვევისთვის გაფრთხილებაც მიიღო.