ჩავის სურს, რომ ალ სადში მასკერანომ შეცვალოს
"ბარსელონას" მთავარ მწვრთნელს ჩავი ერნანდესს, რომელიც "ბლაუგრანაში" მოსვლამდე "ალ სადში" მუშაობდა, სურს, რომ კატარულ კლუბში მისი ადგილი ყოფილმა თანაგუნდელმა ხავიერ მასკერანომ დაიკავოს. ამ ინფორმაციას AS ავრცელებს.
წყაროს ცნობით, ჩავიმ "ბარსაში" გადმობარგებამდე "ალ სადის" მფლობელებთან მასკერანოს რეკომენდაცია გაუწია. მან არგენტინელის შესაშურ თვისებებს შორის ძლიერი ხასიათი, პროფესიონალიზმი, დიდი საფეხბურთო ცოდნა და მსგავსი თამაშის ხედვა გამოარჩია. ჩავი მიიჩნევს, რომ კატარული გუნდის მთავარი მწვრთნელის პოსტზე მასკერანოს კანდიდატურა იდეალურია.
მასკერანო უახლოეს მომავალში მწვრთნელობას გეგმავს, მაგრამ ივარაუდება, რომ ის, დიდი ალბათობით, სამწვრთნელო კარიერას არგენტინულ "რასინგში" დაიწყებს.
მასკერანო 37 წლის გახლავთ. იგი ამჟამად ლა ლიგის ამბასადორია.
მასკერანოს "ბარსელონაში" 334 მატჩი ჩაუტარება. აქედან 175 შეხვედრაში მასკერანომ და ჩავიმ ერთად ითამაშეს.
ამ სიახლეზე კომენტარები გათიშულია.
კომენტარები [ 7 ]