რაჰიმ სტერლინგი მზადაა, ბარსელონაში გადმოსვლის ვარიანტი განიხილოს
"მანჩესტერ სიტის" თავდამსხმელის, რაჰიმ სტერლინგის "ბარსელონაში" გადმოსვლის ალბათობა იზრდება.
გავრცელებული ინფორმაციით, "ბარსა" ზამთრის სატრანსფერო ფანჯრის პერიოდში შეტევის გაძლიერებას აპირებს. "ბლაუგრანას" რამდენიმე ვარიანტი აქვს, ერთ-ერთი მათგანი კი სწორედ სტერლინგია.
26 წლის ფეხბურთელმა მიმდინარე სეზონში "ქალაქელთა" სასტარტო შემადგენლობაში ადგილი დაკარგა. მან 15 მატჩი ჩაატარა, ძირითადში კი მხოლოდ 6-ჯერ ითამაშა.
მანჩესტერელი სპორტული ჟურნალისტის, პოლ ბალუსის ცნობით, ინგლისელი შემტევი "ბარსელონაში" იჯარით გადმოსვლის ვარიანტს განიხილავს, თუ იანვრისთვის "სიტიში" მისი სტატუსი არ შეიცვლება, სასტარტოს რეგულარული მოთამაშე არ გახდება და კვლავ სათადარიგო ფეხბურთელი იქნება.
გავრცელებული ცნობებით, თავად სტერლინგს კატალონიურ გუნდში თამაშის პერსპექტივა ხიბლავს.
ამ სიახლეზე კომენტარები გათიშულია.
კომენტარები [ 4 ]