მოსალოდნელი ცვლილებები სამწვრთნელო შტაბში
ცოტა ხნის წინ კატალონიის "ბარსელონამ" ფიზიოტერაპიის განყოფილების ხელმძღვანელი, ჟუანჟო ბრაუ და ფიტნეს მწვრთნელი ალბერტ როკა თანამდებობიდან გაათავისუფლა.
AS-ის ინფორმაციით, მორიგი ადამიანი, რომელიც კლუბს დატოვებს ჟაუმე ბარტრესია - ის ვარჯიშისა და GPS მონაცემების კონტროლზეა პასუხისმგებელი,
როგორც ცნობილია, მის ფუნქციებს ჟუვენილ A-ს ფიზიკური მწვრთნელი, ანდრეს მარტინი შეითავსებს.
ამასთანავე, მოსალოდნელია, რომ ფიზიოტერაპევტმა ხავი ლინდემ პოზიციები დათმოს, ვინაიდან, ჩავის კლუბში ჟუამე მუნილის გადმოყვანა სურს, რომელიც ამჟამად ფუტზალის გუნდის სამსახურშია.
სავარაუდოა, რომ პოსტიდან დანი რომეროც გათავისუფლდება, რომელიც სავარჯიშო დარბაზის ფიზიკური მწვრთნელია.
კითხვის ნიშნის ქვეშ რჩება ექიმის, რიკარდო პრუნას დაბრუნება, თუ მას კლუბში დააბრუნებენ, ეს ნიშნავს იმას, რომ ამჟამინდელ მთავარ ექიმს, ლუის ტილს წასვლა მოუწევს.
ამ სიახლეზე კომენტარები გათიშულია.
კომენტარები [ 5 ]