პირველი ცვლილებები სავარჯიშო სისტემაში
დღეს კატალონიის "ბარსელონას" ახალმა მთავარმა მწვრთნელმა, ჩავი ერნანდესმა პირველი სავარჯიშო სესია ჩაატარა.
Sport-ის ინფორმაციით, ამიერიდან სესიების სისტემა შეიცვლება: აქამდე ფეხბურთელები ვარჯიშზე ესპანეთის დროით, 11:00 საათზე მიდიოდნენ.
ახლა კი, ფეხბურთელებს სიუტატ ესპორტივაზე გამოცხადება 9:30 საათმდე მოუწევთ, სამწვრთნელო შტაბის წარმომადგენლები კი ადგილზე ვარჯიშამდე 2 საათით ადრე უნდა მივიდნენ.
ასევე, მოთამშეებს ვარჯიშის დაწყებამდე 30-60 წუთით ადრე მისვლა დაევალებათ, რათა ჩავის მათთან ინდივიდუალურად გასაუბრების საშუალება ჰქონდეს.
ამასთანავე, კლუბის სამედიცინო სიტუაციის გამოსასწორებლად, "ლურჯ-ბროწეულისფერრებს" ინდივიდუალურად სპეციფიკური ფიზიკური და ტექნიკურ-ტაქტიკური ვარჯიშები დაენიშნებათ, რაც მათ ტრავმებისადმი მდგრადობას გამოუმუშავებთ.
ვარჯიშის შემდეგ ფეხბურთელები სასაუზმოდ ant Joan Despí-ს შენობაში გადაინაცვლებენ, სადაც სპეციალურად შედგენილი დიეტის მიხედვით გამოიკვებებიან.
აღსანიშნავია ისიც, რომ ჩავის ფიტნეს მწვრთნელად ედუ პონსის დაბრუნება სურს, რომელიც კლუბში 2012-იდან 2020 წლამდე მუშაობდა. ამჟამად ის ესპანეთის ნაკრებში მუშაობს.
ამ სიახლეზე კომენტარები გათიშულია.
კომენტარები [ 16 ]