ხუან კარლოს უნსუე: მოთმინება უნდა გამოვიჩინოთ
"ბარსელონას" მთავარი მწვრთნელის ყოფილი ასისტენტი, ხუან კარლოს უნსუე, ჩავი ერნანდესის "ბლაუგრანაში" დაბრუნების თაობაზე კომენტარს აკეთებს.
იგი ვარაუდობს, რომ ჩავი "ბარსელონაში" არსებული სიტუაციის გამოსწორებისთვის იდეალური კანდიდატია, თუმცა მას გარკვეული დრო დასჭირდება.
კულეებისთვის, რთული დრო დგას. მოთმინება უნდა გამოვიჩინოთ. საბედნიეროდ, მქონდა შესაძლებლობა კლუბის საუკეთესო წლები შიგნიდან გამომეცადა, ადამიანი კი წარმატებებს ძალიან მარტივად ეჩვევა.
ჩავის დაბრუნებას ბევრი პოზიტიური ასპექტი ახლავს თან. იგი არის მწვრთნელი, რომელიც არსებულ გამოწვევებს თავს გაართმევს, ალბათ, იდეალურადაც კი, რადგან ის იცნობს კლუბს და იცნობს იმ სათამაშო სტილის შინაარსს, რომელსაც იგი იყენებს.
ასეთი სიტუაციისთვის, ჩავი იდეალური მწვრთნელია, მაგრამ მოკლევადიან პერიოდში სასწაულების მოხდენა შესაძლებელი არ იქნება. დარწმუნებული ვარ, რომ ფეხბურთელები წარმატებაში თავიანთი როლის შესრულებას შეძლებენ. ეფექტურ გუნდს ვიხილავთ, ამის იმედი მაქვს.
უნსუე აცხადებს, რომ პეპ გვარდიოლასთან შედარებებს თავიდან ვერ ავიცილებთ.
- მის სიტყვებს Mundo Deportivo ციტირებს.
დღეს, ხუან კარლოს უნსუეს ორგანიზებით, ბარსელონაში გოლფის საქველმოქმედო ტურნირი ჩატარდა, რომლის მიზანსაც, ამიოტროფული გვერდითი სკლეროზის შესწავლის მიზნით, ფინანსური რესურსის მოძიება წარმოადგენს. მასში მონაწილეობას ჟოან ლაპორტა, პეპ გვარდიოლა, გილერმო ამორი, ჩიკი ბეგირისტაინი, ჩაპი ფერერი, მიგელ ანხელ ნადალი, ჩემა კორბელია, ჟერარ ლოპესი და სხვები იღებდნენ.
ამ სიახლეზე კომენტარები გათიშულია.
კომენტარები [ 6 ]