ჩავი: იოჰან კრუიფი მართალი იყო - ფეხბურთთან ყველაზე ახლოს მწვრთნელობაა

ჩავი: იოჰან კრუიფი მართალი იყო - ფეხბურთთან ყველაზე ახლოს მწვრთნელობაა

"ბარსელონას" ახალი მთავარი მწვრთნელი, ჩავი ერნანდესი The Coaches' Voice-სთან ინტერვიუს წერს:

იოჰან კრუიფი მართალი იყო - ფეხბურთელობასთან ყველაზე ახლოს მყოფი რამ სწორედ მწვრთნელობაა.
ფრენკ რაიკაარდზე ბევრი რამის თქმა შემიძლია, თუმცა, ხაზს ერთ თვისებას გავუსვამ, რომელიც ყველაზე მნიშვნელოვანია: მისი პიროვნება. შეგიძლია იგრძნო, რომ ის ძალიან ახლო ადამიანია, ისეთი, როგორიც ვისენტე დელ ბოსკე ესპანეთის ნაკრებში იყო.
ფრენკმა იცოდა, როგორ გაეწვრთნა ისეთი დიდი ფეხბურთელები, როგორებიც რონალდინიო, დეკუ, სამუელ ეტო'ო და რაფა მარკესი იყვნენ. ეს მოთამაშეები შეუერთდნენ გუნდს, რომელშიც უკვე ვიქტორ ვალდესისა და კარლეს პუიოლისნაირი ფეხბურთელები ირიცხებოდნენ.
დიდი გუნდების გასახდელი ოთახის მართვა ადვილი არაა - რაიკაარდმა იცოდა, სადავეები ხელში როგორ დაეჭირა და ყველაფერი სრულყოფილებამდე როგორ მიეყვანა.
პეპ გვარდიოლასთან პირველი გასაუბრებისას, მას ვკითხე, პირველ გუნდში ჩემს თავს როგორ ხედავდა - მაინტერესებდა, მნიშვნელოვან წევრად განმიხილავდა თუ არა. პეპის პასუხი ძალიან პირდაპირი იყო: "გუნდი ჩავის გარეშე ვერ წარმომიდგენია".
ამან ჩემი საკითხი გადაჭრა - ფოკუსირებული მხოლოდ "ბარსაზე" ვიყავი. "ბარსელონაში" ყოფნისას სცენარის შეცვლა არასდროს მსურდა, მით უმეტეს, გვარდიოლას ამ სიტყვების შემდეგ.
ჩვენთვის, პედროსა და ბუსკეტსის დაწინაურება - ფეხბურთელების, რომლებსაც ლა ლიგაში ნათამაშები არასდროს ჰქონდათ - ნამდვილად სიურპრიზი იყო. პეპმა უკვე იცოდა, ვის რა შეეძლო და მათთვის პირველ გუნდში შანსის მიცემასთან დაკავშირებით ეჭვები არ ჰქონია.
ლუის ენრიკეს ხელში პირველი წელი საოცრად დავასრულეთ. გუნდში თავი არაერთმა ვარსკვლავმა მოიყარა, შესაბამისად, შემეძლო, ქომაგებს დავმშვიდობებოდი. როგორც კაპიტანმა, ყველა შესაძლო ტიტული აღვმართე: ლა ლიგა, კოპა დელ რეი და ჩემპიონთა ლიგა ბერლინში.
გუნდისთვის მოედანზე ისეთი მნიშვნელოვანი ფიგურა აღარ ვიყავი, როგორიც რაიკაარდისა და პეპის დროს, მაგრამ მოედნის მიღმა, გასახდელ ოთახში საქმის კეთებას კვლავ ვაგრძელებდი. ვგრძნობდი, რომ ტრიპლეტის მოგებაში ჩართული ვიყავი.


  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 5 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #5 8 ნოემბერი 2021 16:41
    0
    კუმანის მწვრთნელობა უკვე სიზმარი მგონია, შედეგები არ არის სასწაული, მაგრამ არც ვაგებთ, ბურთებიც გაგვაქვს. და ამ დროს ჯერ ჩავის გუნდი არ გაუყვანია მოედანზე პირადად. ანუ კუმანის არ ყოფნა გუნდზე დადებითად მუშაობს.
    ფანი [?]
    #4 7 ნოემბერი 2021 20:45
    8
    რომ შევადაროთ კუმანი და ხავი , ბარსელონას ორი ლეგენდა , ერთმა ჰოლანდიის ნაკრები მიატოვა , მეორემ გამოსასყიდი თავად გადაიხადა . კუმანს სჯეროდა , რომ წარმატების მიღწევა შეეძლო , თუმცა შეცდომებით დაიწყო თავიდანვე , გასახდელი ოთახის მართვა გაექცა ხელიდან და ვეღარც დაალაგა ბოლომდე , ალბათ ყველაზე დიდი მინუსი ეგ იყო , დანარჩენს რომ თავი დავანებოთ . ხავის სწორედ დასვა აქცენტები , თუ მწვრთნელს ეგ არ შეუძლია , განწირულია . მაესტრო , მჯერა თითოეულ შენს გადაწყვეტილებას , ვის მიმართაც არ უნდა იყოს , პატივისცემითა და ადამიანური ურთიერთობებით მიიღებ , ღირსების შელახვის გარეშე . წარმატებები , შენ უამრავი კულეს იმედის ნაპერწკალი აანთე მთელს მსოფლიოში და იმედია კოცონად გადააქცევ .
    Culé [?]
    #3 7 ნოემბერი 2021 20:15
    8
    ჩავიმ იცის რაც უნდა გააკეთოს, მთავარია სხვებმაც ხელი შეუწყონ და ყველაფერი დალაგდება.. good luck maestro💙❤
    --------------------
    აიყვანე გუნდში საკუთარ პოზიციაზე საუკეთესო ფეხბურთელები და შენ მიიღებ არა საუკეთესო თერთმეტეულს, არამედ თერთმეტეულს საუკეთესოებით.
    გულშემატკივარი [?]
    #2 7 ნოემბერი 2021 19:52
    3
    კუმან ჰამოდიიიი 😍😍😍🤣🤣
    Culé [?]
    #1 7 ნოემბერი 2021 19:05
    10
    იმედია მიაღწევს წარმატებას ბარსაში heart_eyes ყველანაირად ხელი უნდა შეუწყოს ლაპორტამ