სელტასთან შეხვედრის მსაჯი ცნობილია

ესპანეთის ფეხბურთის ფედერაციამ "ბარსელონა" და ვიგოს "სელტას" შორის გასამართი შეხვედრის მსაჯად ალეხანდრო ერნანდეს ერნანდესი დაასახელა. VAR-ის ოთახიდან მას დახმარებას ხოსე ლუის გონსალეს გონსალესი გაუწევს.

ერნანდეს ერნანდესმა სამსაჯო კარიერა 2004 წელს დაიწყო, 2007 წელს სეგუნდა დივიზიონში დაწინაურდა, ლა ლიგაში კი ფეხი 2012 წელს შეაბიჯა. 38 წლის ესპანელი 2014 წელს ფიფას კატეგორიის არბიტრი გახდა.

ერნანდესს "ბარსელონას" მატჩები 27-ჯერ განუსჯია. კატალონიელთა სტატისტიკა ასეთია: 17 გამარჯვება, 7 ფრე და 3 მარცხი. 

რაც შეეხება კატალონიელთა მეტოქეს, ესპანელმა გალისიური კლუბის შეხვედრებში 29-ჯერ იმსაჯა.