ერთი დღე "ბარსას" ისტორიაში - 4 ნოემბერი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 4 ნოემბერს მოხდა.

თამაშები

4 ნოემბერს "ბარსელონამ" 23 ოფიციალური თამაში ჩაატარა, საიდანაც კატალონიელებმა 8 მოიგეს, 9 ფრედ დაასრულეს და 6 წააგეს.

1917 წელი

3 დღეში გამართული მე-2 "ელ კლასიკო", რომელიც ბარსელონაში ჩატარდა, მასპინძლებმა 4-1 მოიგეს. "ბარსელონას" მხრიდან გოლები ვინიალსმა, ორმეუმ, საგიმ და გუმბაუმ გაიტანეს.

1972 წელი

დაიბადა "ბარსელონას" ყოფილი პორტუგალიელი შემტევი ლუიშ ფიგუ. 1995-2000 წლებში მან "ბლაუგრანას" მაისურით 249 თამაში ჩაატარა და 45 გოლი გაიტანა. ფიგუმ კატალონიურ გუნდში 2 ესპანეთის ჩემპიონატი, 2 ესპანეთის თასი და 1 ესპანეთის სუპერ თასი მოიგო. 2000 წელს ლუიშ ფიგუ "ბარსელონადან" "რეალ მადრიდში" გადავიდა.

1992 წელი

დაიბადა "ბარსელონას" ქალთა გუნდის მეკარე სანდრა პანიოსი.

2001 წელი

"სანტიაგო ბერნაბეუზე" გამართული "ელ კლასიკო" "რეალ მადრიდმა" 2-0 მოიგო. მეორე გოლი ლუიშ ფიგუმ გაიტანა.

2006 წელი

"ბარსელონას" ყოფილმა ფეხბურთელმა, სერხი ლოპესმა 39 წლის ასაკში თავი მოიკლა.