დემბელე ხელფასის შემცირებაზე თანახმაა | MD
"ბარსელონასა" და უსმან დემბელეს შორის, კონტრაქტის გახანგრძლივებასთან დაკავშირებით მოლაპარაკებები უკანასკნელ ეტაპზეა და, შესაძლოა, შეთანხმება ნოემბერში შედგეს.
Mundo Deportivo-ს ინფორმაციით, ფრანგმა შემტევმა საკუთარ წარმომადგენლებს აცნობა, რომ მისი პრიორიტეტი "ბლაუგრანაში" დარჩენაა და კუბთან ისეთი შეთანხმების მიღწევა მოსთხოვა, რომელიც ორივე მხარეს დააკმაყოფილებს. წყაროს ცნობით, დემბელე ხელფასის შემცირებაზე თანახმაა; ფეხბურთელი ანაზღაურების ნაწილს, სავარაუდოდ, ბონუსების სახით მიიღებს.
თავდაპირველი იდეა ხელშეკრულების 3 წლით გახანგრძლივება იყო, რაც, მხარეთა შეთანხმების საფუძველზე, შესაძლოა, კიდევ გაზრდილიყო, თუმცა MD-ს მტკიცებით, სავარაუდოდ, კონტრაქტის პირობები შეიცვლება.
უსმან დემბელემ ხანგრძლივი ტრავმა ცოტა ხნის წინ მოიშუშა და გუშინ, კიევის "დინამოს" წინააღმდეგ, მიმდინარე სეზონში პირველი შეხვედრა ჩაატარა.
ამ სიახლეზე კომენტარები გათიშულია.
კომენტარები [ 11 ]