ბარსელონა იანვარში ფილიპე კოუტინიოს გაშვებას შეეცდება | Sport
ფილიპე კოუტინიომ, რონალდ კუმანის გათავისუფლების შემდეგ გასახდელის მხარდაჭერა დაკარგა და მნიშვნელოვან ფეხბურთელად აღარ მოიაზრება. Sport-ის ინფორმაციით, "ბარსელონა" ზამთარში ბრაზილიელის გაშვებას შეეცდება.
29 წლის ფეხბურთელი, ტრავმიდან დაბრუნების შემდეგ, მოწოდების სიმაღლეზე ვერაა. მიუხედავად ამისა, კუმანი მას მუდმივად ენდობოდა და სათამაშო დროსაც უხვად აძლევდა, თუმცა სერჟი ბარჟუანმა, მოსვლისთანავე, ბრაზილიელი სათადარიგოთა სკამზე გადასვა, - "ალავესთან" სერხიო აგუეროს ტრავმის გამო, პირველ ტაიმში გამოიყვანა და სხვა შემთხვევაში, უფრო მცირე დროს დაუთმობდა; "დინამოსთან" კი საერთოდ არ ათამაშა.
როგორც ჩანს, "ბარსა" საბოლოოდ დარწმუნდა, რომ კოუტინიო მისი ანაზღაურების შესაბამის დონეს ვერ აჩვენებს, ამიტომ კლუბი იანვარში მასთან დაკავშირებულ შემოთავაზებებს განიხილავს. წყაროს ცნობით, კატალონიელები იჯარით გაშვებასაც დათანხმდებიან, თუ მსურველი კლუბი გამოსყიდვის ვალდებულებას იკისრებს. როგორც ცნობილია, ფილიპეს ერთ-ერთი მსურველი "ნიუკასლ იუნაიტედია", რომლის მოქმედებასაც "ბარსა" აქტიურად ელოდება.
ამ სიახლეზე კომენტარები გათიშულია.
კომენტარები [ 5 ]