ჟოან ლაპორტა: კუმანი უფრო ადრე უნდა გაგვეშვა
"ბარსელონას" პრეზიდენტმა, ჟოან ლაპორტამ, განაცხადა, რომ კლუბს რონალდ კუმანის განთავისუფლების გადაწყვეტილება უფრო ადრე უნდა მიეღო.
"ბენფიკასთან" წაგებული თამაშის შემდეგ (0-3), ნიდერლანდელის გაშვება განიხილებოდა, თუმცა კლუბის ხელმძღვანელებმა, მათ შორის, ჟორდი კრუიფმა, პრეზიდენტი კუმანისთვის დროის მიცემაში დაარწმუნეს.
მინდა, რონალდ კუმანს მადლობა გადავუხადო. მან კლუბს ესპანეთის თასის ტიტული მოუტანა. იგი მუშაობას არ აგრძელებს იმიტომ, რომ შედეგები არ არის შესაბამისი. სიტუაცია უკვე არასახარბიელო იყო. გადავწყვიტეთ, რომ მოქმედების დრო იყო.
მასთან კარგი ურთიერთობა გვაქვს. იგი ხედავს ჩვენ მიერ გაწეულ ძალისხმევას. მან თქვა, რომ მისთვის გასაგებია მიღებული გადაწყვეტილება, რომელიც ფეხბურთის ნაწილია. მასთან კონტრაქტის გაწყვეტის თაობაზე მოლაპარაკებები კარგად მიმდინარეობს.
მისი განთავისუფლების გადაწყვეტილება უფრო ადრე უნდა მიმეღო, პასუხისმგებლობას საკუთარ თავზე ვიღებ. "დინამო" და "ვალენსია" დავამარცხეთ, მაგრამ სიტუაცია უკვე არასახარბიელო იყო.
მედიაში არსებული ინფორმაციით, კონტრაქტი "ბარსას" კუმანისთვის 12 მილიონი ევროს გადახდას ავალდებულებს, კლუბმა კი მას ამ თანხის 7-8 მილიონ ევრომდე შემცირების თხოვნით მიმართა.
- ამბობს იგი.
ლაპორტამ ეს განცხადება დღეს გამართულ პრესკონფერენციაზე გააკეთა.
ამ სიახლეზე კომენტარები გათიშულია.
კომენტარები [ 5 ]