As: უსმან დემბელე სათამაშოდ მზადაა
"ბარსელონას" ფრანგი გარემარბი, უსმან დემბელე, რეაბილიტაციის პროცესის დასრულებასთან ძალიან ახლოსაა.
რამდენიმე დღის წინ, იგი ფინეთში გაემგზავრა, რათა ლასე ლამპაინენთან (ქირურგი, რომელმაც დემბელეს ოპერაცია ჩაუტარა) ფინალური გამოკვლევები ჩაეტარებინა. As-ის ინფორმაციით, ყველაფერმა კარგად ჩაიარა და დემბელემ ლამპაინენისგან თამაშის უფლება მიიღო.
ჯერჯერობით, სამწვრთნელო შტაბს გადაწყვეტილი არ აქვს, ითამაშებს თუ არა იგი 27 ოქტომბერს, "რაიოსთან" შეხვედრაში. შესაძლოა, დაბრუნებამდე, მან გუნდთან ერთად კიდევ რამდენიმე ვარჯიში ჩაატაროს და 30 ოქტომბერს, "კამპ ნოუზე", "ალავესის" წინააღმდეგ ითამაშოს. საბოლოო გადაწყვეტილებას რონალდ კუმანი ფეხბურთელთან შეთანხმებით მიიღებს.
ნებისმიერ შემთხვევაში, მას 15-20 წუთზე მეტი სათამაშო დრო არ მიეცემა. ასეთი ხანგრძლივი ტრავმის შემდეგ, მას სათანადო სათამაშო ტემპის აღსადგენად გარკვეული დრო დასჭირდება.
ამ სიახლეზე კომენტარები გათიშულია.
კომენტარები [ 9 ]