კუმანი: ფატისაგან სასწაულებს არ უნდა ველოდოთ
"დინამო კიევის" დამარცხების შემდეგ, კატალონიის "ბარსელონას" მთავარი მწვრთნელი, რონალდ კუმანი ჟურნალისტებთან საუბრობს:
დღევანდელი შედეგი ჩემპიონთა ლიგაზე ჩვენს შანსებს ტოვებს. თუ მატჩის მოგება შეგიძლია, ყველაფერი შესაძლებელია. ამიტომ, შეხვედრები უკეთესი შედეგით უნდა დავასრულოთ.
"ელ კლასიკოს" წინ მატჩების მოგება წაგებაზე მარტივია. "რეალის" წინააღმდეგ დაპირისპირებას კარგი განწყობით შევხვდებით, რადგან გამარჯვებამ სიმშვიდე მოგვიტანა.
არის თუ არა მზად გუნდი "ლოს ბლაკოსის" დასამარცხებლად? რატომაც არა?
"დინამოსთან" მატჩის პირველ ნახევარში შესანიშნავად ვითამაშეთ, ბევრი შანსებიც შევქმენით, თუმცა, უკან დავიხიეთ, რაც რთულად გასაგებია. დაცვის მხრივ, კარგად გამოვიყურებოდით.
უნდა გვახსოვდეს, რომ მეორე ტაიმში 3 საშიში მომენტი შევქმენით. შესაძლებლობების განიავება აღარ შეიძლება. დღეს სიცოცხლეები გავრისკეთ და, მადლობა ღმერთს, მათ თამაშის გაკონტროლება ვერ შეძლეს. დღის ბოლოს ტაბლოზე 3-0, ან 4-0 მაინც უნდა დაგვეფიქსირებინა.
გუნდის წინააღმდეგ სტვენა? გულშემატკივრების რეაქციის მესმის. ასეთ მნიშვნელოვან დროს ყველა მომენტი უნდა გამოვიყენოთ და მეტი გოლი გავიტანოთ. თუ გულშემატკივრები ბედნიერები არ არიან, მესმის, იმიტომ, რომ არც მე ვარ ბედნიერი.
ანსუ ფატის ვერ ვთხოვთ, ყველაფერი ისე მოაგვაროს, როგორც ამას ლეო მესი აკეთებდა. ანსუსგან სასწაულებს არ უნდა ელოდოთ.
ერთ-ერთ მნიშვნელოვან მომენტში მას პასი ბუსკეტსისთვის, ან კოუტინიოსთვის უნდა გაეკეთებინა.
შანსის გაფუჭება? ეს ნორმალურია და აჩვენებს, რომ ფატის რაღაც ჯერ კიდევ აკლია. ის მოედნისაგან შორს დიდხანს იმყოფებოდა, თანაც, 18 წლისაა და ყველაფერი ნორმალურ ფარგლებში იმყოფება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 16 ]